Zuhaitz Gurrutxaga Loiola

Elgoibar (Gipuzkoa) (1980)

Biografia

Aiastia (San Migel) auzokoa. Aitaren jaiotetxean (Berdezkunde baserrian) bizi izan zen 3 urtera arte. Gero Aldatz-gain izeneko etxea egin zuten handik gertu eta hara joan ziren bizitzera. Ume-umetatik izan zuen futbolerako zaletasuna. 12-13 urterekin Elgoibarko futbol taldean hasi zen jokatzen federatuta eta 14rekin Errealera eraman zuten, infantiletara. Umetan ebakuntza bat egin zioten bihotzean eta, arazo horren ondorioz, Errealean infantiletan zebilela, medikuek esan zioten ezingo zela profesional mailara pasa. Orduan, Elgoibarrera itzuli zen, kadeteetara. Han zebilela, Espainiako selekzioak deitu zion 15 urtez azpikoekin jokatzeko. Prentsari esker albistea zabaldu zen eta Erreala berriz jarri zen berarekin harremanetan. Ordukoan, azterketa medikua ongi atera zen. 19 urterekin debutatu zuen Errealarekin. 3-4 urte egin zituen guztira. Gero, beste talde batzuetan ibili zen: Aljeciras, Rayo Vallecano... Madrilera joateak begiak ireki zizkion eta beste gauza batzuetan hasi zen: antzerkia ikasi, irakurri... Gitarrarekin kantak sortzen hasi zen eta `Van Poppel´ izeneko taldea sortu ostean, diska bat ere kaleratu zuen. 2010ean eman zuen bere lehen kontzertua. Nahiz eta 32 urtera arte futbolean jokatzen jarraitu, kultura arloa ere jorratu zuen: musika, monologoak... Azken futbol taldea Beasain izan zuen. Ordurako monologoak egiten hasita zegoen. Gero, telebistara jauzi egiteko aukera sortu zitzaion eta futbola utzi egin zuen. `Tumatxak´saioa aurkezteko eskaintza egin zioten lehenbizi; atzetik etorri ziren `Hizkamizka´ eta `Herri txiki infernu handi´saioak.

Zintak

#	Kodea	Data	Iraupena	Proiektua	Elkarrizketatzailea(k)
1	EGB-076	2015	82 min	Gazte gara gazte	Asier Sarasua Aranberri

Pasarteak

Hiztun honen materiala landuta dago eta hauek dira oraingoz aztertuta eta katalogatuta ditugun pasarteak. Bideoa edo transkripzioa duten pasarteek ikonotxoa dute

#	Titulua
1	Oporretara penaz, lagunak auzoan geratzen zirelako
2	Aiastia (San Migel) auzoa; umetako jolasak
3	Kalekoentzat "kaxero" eta auzokoentzat "kalekume"
4	Elgoibarko larunbat arratsaldeko parrandak
5	Elgoibarko gazteen lehenengo irteera: Mutrikuko jaietara
6	Meza-laguntzaile izateko zain
7	Inguruko gazteak Joxin parrokoarekin Madrilera
8	Aiastia (San Migel) eta Idotorbe (San Pedro) auzokoen arteko pikea
9	Umetatik baloiari lotuta; Errealeko infantiletara jauzia
10	Bihotzeko arazoak eta Espainiako selekzioaren deia
11	Espainiako selekzioarekin Wembleyn jokatzen, 15 urtez azpikoetan
12	Gora igotzeko uste gabe futbolean
13	Futbol zelaietan hastean futbolarekin zuen gozamena galdu
14	Futboleko oinetakoetan aldaketa handirik ez
15	Errealarekin debuta Athletico de Madrid-en kontra
16	Errealean jokatzearen erantzukizunak gainezka egin zion
17	Rayo Vallecanora, 2.B mailara; Madrilen kezka berriak
18	Futbolaren amaiera Beasainen; monologoetara eta telebistara jauzia
19	Arconada zen bere idoloa
20	Madrilen antzerki-eskolan hasi zen
21	Gitarra jotzen hasiera; heavy-tik pop-era aldaketa
22	Gitarrarekin kantak sortzen hasi zen
23	Presio eta erantzukizun desberdina futbol zelaian eta agertokian
24	Monologoen hasiera
25	Kantak eta monologoak hasieran gaztelaniaz
26	Bere euskaran egindako monologoetan erosoen
27	Telebistan euskara batura jauzia
28	`Tumatxak´ saioko aurkezle
29	`Hizkamizka´ lehiaketako aurkezle
30	`Herri txiki infernu handi´saioa
31	Etorkizuna monologoetan
32	Euskararen ibilbidea
33	Aiastia (San Migel) auzoan hika
34	Zaharragoei eta neskei ez die hika egin izan
35	Hikaren gorabeherak
36	Sare sozialekin harremana